Announcement

Collapse
No announcement yet.

Camp ka khayma..!!!

Collapse
X
  • Filter
  • Time
  • Show
Clear All
new posts

  • Camp ka khayma..!!!

    Mujhey camp main apney tent ki yaad arahii hai..aj is burey waqt main mujhey us ki yaad arahii hai..mujhey camp ki wo kachii maTi wali zameen ki yaad bhi arahii hai..mujhey apney wo puraney kapRey bhi yaad atey hain jin par jagah jagah daagh lagey hotey..mujhey maaN k haath ki roTii bhi yaad ati hai..Haan..wahan par maaN k haath ki roTi ka bhi alag hi maza tha..mujhey un camp waloon ki har saadgii yaad atii hai..un ka har ghum,takleef, azaab sub.....or sub se zyada un ki mardangii, bahadurii or fida'yet ka jazba..

    Aye merey khaymey..tu ne kitney raaz chupa k rakhey hain..takleefoon k, qahr'o'azaab k, hamarii kamzoori k..tu ne kitney bahadurooN ko chuppa rakha tha...kitney bahadurooN ko..!!!

    Aye azeem madrassey tu aik mudaris'o'mu'alim hai..jis ne sikhaye ghairat, shuja'at or mardaangii k asool..tu hi hai jahan se wo azeem or azaad soch k fida'yii nikley hain..Kahan hai tu ab?? tumhein yaad hai jub barish hoti thii..tum kitnii koshish kartii thii k mujhey geela honey se bacha lo..laikin tumharey us k saamney itnii bahadurii se khaRey honey k bawajood tum main jo suraakh they qahr'o'azaab k, apnoo k khayanatooN k or itnii takleefoon k un main se wo mujh tuk pohonch hi jatii..
    Tumhein yaad hai kis tarah doosrey khaymoon k kahaniyaan uR kar hamarey paas ati thein humein wahan k logoon k dard sunaney..tumhein yaad hai kitney ansoo hum ne saath saath bahaye apney aney waley andherey kul k intizaar main..or kitney mansoobey banaye main ne fidaeyat k, qurbanii or mout k tumharii goud mai baiTh k..
    Aaaahhhh merey khaymey....tum hamarey raaz kis tarah chupaati thii, tum se jo hamarey sikhvey, shikayatein thein khamoshii sey bardasht kartii thii..

    Aaj..abhi..itney saal in a'ali shaan gharoon main rehney k baad, itney aaraam'o'sakoon main jeeney k baad mujhey tumharii yaad aney lagi..Yaad aney lagii un Inqilaabii naghmoon ki jo terey saaye main suntey they..Yateemoon ki kahaniyoon ki jo terey har koney main they..or bhook ki wo awaaz..us se bhi zyada yaad aney lagii mujhey fidayii bahadur mujahideen k kahaniyoon ki..or apney case ki nayii khabroon ki..aahh..hamara case..tumhein yaad hai...haan tumhein yaad hoga..kyunki tum hamarey jaisey nai ho..hum bhool gaye magar tum nahii bhooli..kyunki tum us case ka unwaan ho..balkeh tum khud hi wo case ho..jub hum tumhein choR kar jaa rahey they..tum hamarey liye buhut dukhi thii jaisey tum jantii thii k aney wala waqt hamarey liye kya laa raha..or tumharii aankhoon main ansoo they jaisey tum dabii sii awaaz main hum se keh rahii thii...MUT JAO..mujhey choR kar mut jao..tum mujhey baich do gey..tum ghum or takleefoon se bharey is tareekh ko baich do gey..tum is case ko baich do gey..or mujhey bhool jao gey..
    wo sub aj hochuka..hum tumhein bhool gaye hum apney case ko bhool gaye..baich diya hum ne tumhein or issey..ye araam'o'sakoon..waqt or zamaney se milney waley aish 'o'eshrat ne humein badal diya..hamarey zehan badal gaye..Azaadi, fida'eyat, inqilaab, qurbaani in sub k ma'enii badal gaye..Aj hum dehsaht'gurd bun gaye..or jub hum tumharii goud main they tub Mujahid kehlaye jatey..

    Aaahhh merey khaymey..mujhey tumharii buhut yaad atii hai..mujhey us qandeel ki yaad atii hai jo lakRii k us DanDey se laTakta tha jo tumhein mazboot khaRa rehney main madad deta..mujhey us bistar ki yaad atii hai jissey maTi kha gayii..mujhey un TooTey howe bartanoon ki yaad atii hai jin ka khana tu khana kehhlata magar us ka zayiqa zillat ka tha..magar haan..saath hi us main mardangii, bahadurii, or shuja'at ka bhi maza tha..Haan mujhey aaj tumharii yaad arahii hai..or bilkul isi lamhey main jub main aish'o'eshrat or araam'o'sakoon main xindagii basar tu kar raha hoon..magar terey sikhaye howey asooloon ko bhula kar..bilkul tamaam asooloon ko, bahadurii ko, zimmedaari ko, apni izzat ko, qurbani ko, mardangii ko bhula kar..
    Ab tumhein pata chala kyun atii hai mujhey tumharii yaad..!!!!
    Kya tum jantii ho k main tumein kitna yaad karta hoon?? mujhey aj tumharii zaroorat hai..har waqt se zyada..mujhey aj tumharii zaroorat hai kyunki tum hi ho jo meri ragooN main dobara se inqilaabii khoon doRao gii..mujhey tumharii zaroorat hai taakey wo naghmey louT ayein jo jub kaanooN main paRtey tu jism k har zarrey ko aik naya josh or walwala dilatey..

    Aye camp k khaymey sirf aaj, itna arsa guzarney k baad, hamara dunya k mashaghil main itna masroof honey k baad..hamarii khushiyaan balkey kaho is saraab main jeeney k baad main ne tujhey jaana hai..
    tumharey us phaTey puraney kapRey ki wo bad'buu bhi hum se zyada qeemtii hai..
    kyunki tum izzat ho, ghairat ho, bahadurii ho, khud'daari ho, khushii ho, ghum ho, tum hi humara watan ho..tum hi hamara Jihad'o'Inqilaab ho..tum humarii kahanii ho, humarii pehchaan ho, balkeh tum hamara FILASTEEN ho..Haan tum hi mera Filasteen ho or mujhey mera Filasteen wapas chahye..mujhey mera khaiyma louTa do..mujhe mera FILASTEEN louTa do..


    aik filasteenii muhajir k dil ki awaaz..!!!
    .......................!!!!!

  • #2
    Re: Camp ka khayma..!!!

    :dua :rose
    :oldie:
    S T I L L W A I T I N G
    sigpic

    Comment


    • #3
      Re: Camp ka khayma..!!!

      :think:

      Comment


      • #4
        Re: Camp ka khayma..!!!

        i'll read it tomorrow then comment on it... INSHA ALLAH
        میں نعرہ مستانہ، میں شوخی رندانہ

        Comment


        • #5
          Re: Camp ka khayma..!!!

          For New Designers
          وَ بَارِکْ لِيْ فِيْمَا أَعْطَيْتَ

          Comment


          • #6
            Re: Camp ka khayma..!!!

            Originally posted by *ASK* View Post
            :think:


            Originally posted by *pIoUs FaIrY* View Post
            i'll read it tomorrow then comment on it... INSHA ALLAH
            kk..
            .......................!!!!!

            Comment


            • #7
              Re: Camp ka khayma..!!!

              Comment

              Unconfigured Ad Widget

              Collapse

              pegham Youtube Channel

              Collapse

              Working...
              X